Վրաստանի էներգետիկայի նախարարությունը մտադիր է ջերմաէլեկտրակայան կառուցել Ջավախքում
«Կավկասիա» հեռուստաընկերությանը տված հարցազրույցի ժամանակ Վրաստանի էներգետիկայի նախարար, նախկինում անվանի ֆուտբոլիստ Կախա Կալաձեն հայտարարել է, որ Վրաստանի էներգետիկայի նախարարությունը դիտարկում է Տկիբուլիում ջերմաէլեկտրակայանի կառուցման հնարավորությունը:
Կալաձեի խոսքերով՝ այդ ջերմաէլեկտրակայանը պետք է կառուցվի եվրոպական չափորոշիչներին համապատասխան և համապատասխանելու է բնապահպանական անվտանգության չափորոշիչներին:
Կալաձեն ընդգծել է, որ այդ էլեկտրակայանն աշխատելու տեղական ածխով: Կալաձեն նաև կարևորել է քամու էներգիայի օգտագործումը՝ հավելելով, որ այլընտրանքային էներգիայի աղբյուրների ոլորտի նախագծերը պատրաստ են լինելու մեկ ամսվա ընթացքում, ինչից հետո դրանք կիրականացվեն Ջավախքի տարածքում:
