Իրավապաշտպանները Google Earth-ի միջոցով համակենտրոնացման ճամբարներ են հայտնաբերել Հյուսիսային Կորեայում
Reuters լրատվական գործակալության փոխանցմամբ՝ իրավապաշտպանները Google Earth-ի միջոցով վեց համակենտրոնացման ճամբար են հայտնաբերել Հյուսիսային Կորեայում: Նրանց տվյալներով՝ այդ ճամբարներում են պահվում մոտ 250.000 քաղբանտարկյալներ:
Իրավապաշտպանների տվյալներով՝ Հյուսիսային Կորեայի տարածքում գտնվում են մի քանի տասնյակ ճամբարներ: Նրանք վստահեցնում են, որ այդ ճամբարները հատուկ կառուցված են ոչ մեծ քաղաքի կամ ավանի նման, որպեսզի վերևից անմիջապես անկարելի լինի անսովոր բան նկատելը:
Սակայն մասնագետները, վերլուծելով լուսանկարները, ընդգծել են այդ ճամբարների դարպասները, պահապան աշտարակները, ածխահորերը և նավթահորերը: Իրավապաշտպաններն առաջին ճամբարը հայտնաբերել են դեռևս 2003 թվականին:
