Ադրբեջանում կարող է ընդունվել նախազորակոչիկների պատրաստման պետական հատուկ ծրագիր
Ադրբեջանական APA լրատվական գործակալության փոխանցմամբ՝ Ադրբեջանում կարող է ընդունվել բանակի համար նախազորակոչիկներ պատրաստելու մասին պետական հատուկ ծրագիր: Դրա հետ կապված՝ ակնկալվում է, որ քննարկումներ պետք է տեղի ունենան խորհրդարանի գարնանային նստաշրջանում:
Ծրագրի ընդունման դեպքում պետք է կատարվեն օրենսդրական համապատասխան ուղղումներ: Ծրագրի նպատակը զինծառայության համար նախազորակոչիկների պատրաստության ուժեղացումն է: Դրա մեջ մտնում են զենքի հետ վարվելը, զինվորական կարգապահությունը, զինվորական կանոնադրության հետ նախնական ծանոթությունը և այլն:
Նշվում է, որ նման ծրագիր գործում է Ռուսաստանում:
