Samsung-ը ներկայացրել է 8 միջուկ ունեցող բջջային պրոցեսոր
Lenta.ru-ի փոխանցմամբ՝ Samsung ընկերությունը հունվարի 8-ին Լաս Վեգասում բացված CES 2013 ցուցահանդեսում ներկայացրել է Exynos 5 Octa բջջային պրոցեսորը, որն ունի 8 հաշվողական միջուկ:
Exynos 5 Octa-ն կարող է օգտագործվել թե՛ սմարթֆոններում, թե՛ պլանշետներում: Այս պրոցեսորի մշակման ժամանակ Samsung-ը շեշտը դրել է 3D գրաֆիկայի արտադրողականության աճի վրա՝ նվազեցնելով չիպի էներգոսպառումը:
Էներգիայի տնտեսումն իրականացվում է պրոցեսորում ստեղծված միջուկների երկու խմբի օգտագործման հաշվին, որոնցից յուրաքանչյուրում գտնվում է չորսական միջուկ:
