Նյու-Յորքում վթարվել է մարդատար լաստանավը (տեսանյութ)
Նյու-Յորքում մարդատար լաստանավը բախվել է նավամատույցին։ Ինչպես տեղեկացնում է Associated Press գործակալությունը, դեպքը տեղի է ունեցել տեղական ժամանակով 8։45-ին (Երևանի ժամանակով՝ 17։45-ին)՝ Ներքին Մանհեթթենում, Ուոլ Սթրիթից ոչ հեռու։
Վթարից տուժել է տարբեր տվյալներով 30-ից 50 հոգի։ Ուղևորներից մեկը գլխի լուրջ վնասվածք է ստացել և գտնվում է չափազանց ծանր վիճակում։ Լաստանավը ուղևորներ էր տեղփոխում Նյու-Ջերսիից։ Դեռևս հայտնի չէ, թե որն է եղել վթարի պատճառը։
Ականատեսներից մեկի վկայությամբ, բախման պահին տախտակամածի վրա գտնվող ուղևորները կորցրել են հավասարակշռությունն ու ընկել միմյանց վրա։ Դեպքի վայրից CNN-ի նկարահանած տեսանյությում երևում է, որ նավամատույցին պատգարակների վրա 10-15 մարդ կա։
