2012 թվականին Չինաստանում կոռուպցիայի համար պատժվել է ավելի քան 160.000 չինովնիկ
Ռուսական Ria Novosti լրատվական գործակալության փոխանցմամբ՝ 2012 թվականին կոռուպցիոն գործունեություն ծավալելու համար պատժվել է ավելի քան 160.000 չինովնիկ: Այս մասին այսօր լրագրողների հետ զրույցում հայտարարել է Չինաստանի Կարգապահության ստուգման կենտրոնական հանձնաժողովի քարտուղար Ցույ Շաոպենը:
Հանձնաժողովի պատրաստած հաշվետվության մեջ նշված է, որ 2012 թվականին կոռուպցիայի մեղադրանքով կարգապահական տույժերն առնչվել են 160.718 մարդու: Նրանցից 4698-ը ներկայացրել են բարձր պաշտոններ: Հետաքննությունից հետո պետական գանձարան է վերադարձվել 7.83 միլիարդ յուան (1.3 միլիարդ դոլար):
Շաոպենը հայտարարել է, որ հանձնաժողովը շարունակելու է խստորեն հետևել և ստուգել բոլորին, որոնք կկասկածվեն կաշառակերության, ծառայողական չարաշահումների ու կոռուպցիայի մեջ:
