Ամերիաբանկի «Վանաձոր» մասնաճյուղի՝ պայթյունից տուժած կառավարիչի վիճակը միջին ծանրության է
Ամերիաբանկի մամուլի ծառայությունը մանրամասներ է հրապարակել 2012թ. դեկտեմբերի 31-ին Վանաձոր քաղաքում տեղի ունեցած պայթյունի վերաբերյալ։
2012թ. դեկտեմբերի 31-ին Վանաձոր քաղաքում տեղի ունեցած պայթյունի հետևանքով Ամերիաբանկի «Վանաձոր» մասնաճյուղի կառավարիչ Վարդան Սարդարյանն այրվածքներով տեղափոխվել է հիվանդանոց: Այժմ նա գտնվում է Ճառագայթային բժշկության և այրվածքների գիտական կենտրոնում, բժիշկները նրա վիճակը գնահատում են միջին ծանրության:
Բանկը տեղեկացնում է նաև, որ սույն միջադեպը որևէ կերպ չէր կարող անդրադառնալ Ամերիաբանկի «Վանաձոր» մասնաճյուղի աշխատանքի վրա, քանզի միջադեպը տեղի է ունեցել մասնաճյուղի տարածքից դուրս: Ներկայումս մասնաճյուղը շարունակում է իր բնականոն աշխատանքը:
