Տոնական օրերին սննդային և ալկոհոլային թունավորումներով դեպքեր չեն արձանագրվել «Շենգավիթ» հիվանդանոցում
Տոնական օրերին՝ հունվարի 1-7-ն ընկած ժամանակահատվածում, «Շենգավիթ» բժշկական կենտրոն սննդային և ալկոհոլային թունավորմամբ հիվանդներ չեն տեղափոխվել: Այս մասին 168.am-ի հետ զրույցում տեղեկացրին բժշկական կենտրոնից: Ստամոքսային խանգարման դեպքեր՝ նշված ժամանակահատվածում նույնպես չեն արձանագրվել:
Նշենք, որ նախօրեին ՀՀ առողջապահության նախարարության պետական հիգիենիկ և հակահամաճարակային տեսչության սնուցման բաժնի պետ Մարգարիտա Բաբայանը 168.am-ի հետ զրույցում նշել էր, որ հանրապետությունում սննդային թունավորման դեպքեր այս տարի Ամանորին չեն գրանցվել:
