Մեսսին կարող է գերազանցել արդյունավետության սեփական ռեկորդը
Իսպանիայի առաջնության 18-րդ տուրի «Էսպանյոլի» հետ խաղում (4։0) հերթական գոլը խփելով՝ «Բարսելոնայի» առաջատար Լիոնել Մեսսին իր գոլերի թիվը հասցրեց 27-ի։ Այսպես, արգենտինացին յուրաքանչյուր խաղում միջինը 1.5 գոլ է խփում։
Եթե Մեսսին շարունակի նույն արդյունավետությամբ հանդես գալ, ապա նա Իսպանիայի պատմության բոլոր առաջնությունների նոր ռեկորդ կսահմանի՝ 57։
Հիշեցնենք, որ արդյունավետության գործող ռեկորդը պատկանում է հենց Մեսսիին, որը նա սահմանել է նախորդ մրցաշրջանում՝ 50 գոլ։
Մարզական լրահոսն ապահովում է SportArmenia.com-ը
