Համացանցում հայտնվել է Եգիպտոսի նախագահի անկեղծ տեսանյութը (տեսանյութ)
Եգիպտական լրատվամիջոցները հրապարակել են մի տեսանյութ, որտեղ երկրի ներկայիս նախագահ Մոհամմեդ Մուրսին անկեղծ և շատ մանրամասն նկարագրում է իր վերաբերմունքը Իսրայելի և հրեաների նկատմամբ։
2010 թվականին տեսագրված հոլովակում Մուրսին իր հարևաններին անվանում է «արնախումներ», «խոզերի և կապիկների ժառանգներ» և նրանց գործողությունները ներկայացնում չափազանց բացասական լույսի ներքո։
Մուրսիի խոսքերով, հրեաների հետ բանակցությունները ժամանակի և հնարավորությունների կորուստ են, և իմաստ չկա դրանք շարունակել։
Որպես պաղեստինյան խնդրի լուծում նա առաջարկում է դիմադրություն բոլոր հնարավոր ձևերով։ Մուրսին բացառում է խնդրի խաղաղ կարգավորման ցանկացած տարբերակ և հայտարարում, որ Պաղեստինյան ինքնավարությունը ստեղծվել է թշնամիների՝ սիոնիստների և ամերիկացիների կողմից՝ պաղեստինցիների կամքն ու ազատությունը ճնշելու համար։
Մուրսին, ով այն ժամանակ հանդիսանում էր «Մուսուլման եղբայրների» ներկայացուցիչ, նաև հայտարարում է, որ սիոնիստները Մերձավոր Արևելքում տեղ չունեն և նրանց հարկավոր է վռնդել արաբական հողերից։
Նշենք, որ Մուրսին Եգիպտոսի նախագահ է ընտրվել 2012 թվականին։
http://youtu.be/1mXnbgsg9DM
