BMW-ն բախվել է մայթեզրի բետոնե քարերին և գլխիվայր շրջվել. կան վիրավորներ
Այսօր` դեկտեմբերի 30-ին, ավտովթար է տեղի ունեցել Երեւանում: Ժամը 13:00-ի սահմաններում BMW մակնիշի 96 DA 666 համարանիշի ավտոմեքենայի վարորդ, 21-ամյա Վահե Ռաֆիկի Տեր-Բալյանը, Սիլիկյան թաղամաս տանող ճանապարհին` «Հ2» հեռուստաընկերության հարևանությամբ, բախվել է մայթեզրի բետոնե քարերին և գլխիվայր շրջվել:
Ինչպես վթարի վայրից հայտնում է ֆոտոլրագրող Գագիկ Շամշյանը, վթարի հետեւանքով վարորդը` Վ. Տեր-Բալյանը եւ ուղեւոր` 49-ամյա Մուշեղ Սիմոնյանը, մարմնական վնասվածքներով տեղափոխվել են «Արմենիա» բժշկական կենտրոն: Վթարի վայր են ժամանել Ճանապարհային ոստիկանության 1-ին սպայական գումարտակի 3-րդ դասակի աշխատակիցները` ավագ տեսուչ Գևորգ Ասլանյանի գլխավորությամբ:
Վթարի վայրում քննչական աշխատանքները ղեկավարում է Ոստիկանության քննչական գլխավոր վարչության Երեւանի քննչական վարչության ճանապարհատրանսպորտային հանցագործությունների քննության բաժնի քննիչ Անդրանիկ Փարսադանյանը:
Ֆոտոլրագրողը հայտնում է, որ վարորդին և ուղևորին ավտոմեքենայից դուրս են բերել քաղաքացիները, իսկ հարվածի արդյունքում պոկվել է ավտոմեքենայի անիվը:
Լուսանկարները՝ Գագիկ Շամշյանի
