Հրանուշ Հակոբյանը՝ տարվա լավագույն նախարար
Սփյուռքում տարված զգալի աշխատանքների և վերջին ժամանակներս սիրիահայերի օգնության գործում մեծագույն աշխատանքներ իրականացնելու համար ՀՀ Սփյուռքի նախարար Հրանուշ Հակոբյանը ճանաչվել է «Տարվա լավագույն նախարար»։
Ճանաչողը «Իրավաբանների և հոգեբանների միջազգային ասոցացիա» կազմակերպությունն է, որն անցկացնում է մրցանակաբաշխություն՝ «Հայաստանի Հանրապետության զարգացման, արդիականացման գործում իրենց ավանդը ներդրած քաղաքական գործիչներին, հասարակական կազմակերպություններին, իրավաբաններին, փաստաբաններին, ԶԼՄ-ներին, երիտասարդ ակտիվիստներին, երիտասարդական կենտրոններին, հաղորդաշարերին և այլ անձանց ու կառույցների» խրախուսելու նպատակով:
Հրանուշ Հակոբյանից բացի տարբեր անվանակարգերում պատվոգրեր են ստացել նաև այլ պետական պաշտոնյաներ և այլ ոլորտների ներկայացուցիչներ։
Այսպես,
«Տարվա մարդ» անվանակարգին արժանացել է Երևանի քաղաքապետ` Տարոն Մարգարյանը։
«Հայաստանի երրորդ Հանրապետության լավագույն ոստիկանապետ» է ճանաչվել ՀՀ ոստիկանապետ Վլադիմիր Գասպարյանը։
Երևանի գրողների միության նախագահ` Աբգար Ափինյանը ճանաչվել է 2012 թվականի տարվա լավագույն մշակութային հասարական գործիչ։
Տարվա լավագույն ֆոտոլրագրող ճանաչվել է Գագիկ Շամշյանը, Լավագույն գրական հասարակական գործիչ է ճանաչվել Եղիշե Չարենցի անվան արվեստի և գրականության թանգարանի տնօրեն` Կարո Վարդանյանը։
«2012 թվականի ընթացքում արդյունավետ հասարակական գործունեություն ծավալելու համար» պատվոգրի է արժանացել «Քաղաքացիական մասնակցության զարգացման կենտրոն» ՀԿ նախագահ` Մերի Մարգարյանը։
Տարվա լավագույն փաստաբան է ճանաչվել «Իրավաբանների և հոգեբանների միջազգային ասոցացիայի» փոխնախագահ` Մարտին Շիրիրնյանը,
«Տարվա լավագույն դպրոցի տնօրեն» անվանակարգում լավագույնը ճանաչվել է թիվ 21 դպրոցի տնօրեն` Նելի Երցյանը:
