Սերժ Սարգսյանը լուրջ մրցակից չունի. Վ. Խաչատրյան
Իսկապես Սերժ Սարգսյանը լուրջ մրցակից չունի: Նման կարծիք է հայտնել «Հայ ազգային կոնգրեսի» անդամ, Վահագն Խաչատրյանը Tert.am-ի հետ զրույցում՝ «Ես չեմ ուզում վիրավորել այն մարդկանց, ովքեր պատրաստվում են մասնակցել այս ընտրական ֆարսին, բայց իրականությունն այդպիսին է»,- ասել է նա:
Ըստ Վ. Խաչատրյանի, տարվա ամենակարևոր իրադարձությունը ոչ մրցակցային և կեղծված խորհրդարանական ընտրություններն են, որի տրամաբանական շարունակությունն այն է, ինչ այսօր կա: Եվ հենց դրա պատճառով են մարդիկ արտագաղթում։
«Մենք հիմա ունենք այնպիսի իրավիճակ, որ կարծես թե նախագահական ընտրությունների արդյունքներն արդեն պարզ են, բայց թե ինչ թվերով դա կարտահայտվի՝ կիմանանք մեկուկես ամսից: Բայց արձանագրենք, որ 12-ը փակվում է, բայց ՀՀ քաղաքացուն հույս չի տալի, չի նշում այն ուղիները, որը կխոստանա ավելի լավ ապագա»,- ասել է ՀԱԿ անդամը:
