Տեղեկանքը կա, մնում է գրանցումը
«Ժառանգություն» կուսակցության նախագահ Րաֆֆի Հովհաննիսյանն առաջիկա երկու օրվա ընթացքում պաշտոնապես կդիմի ԿԸՀ: Այս մասին 168.am-ին ասաց կուսակցության մամուլի խոսնակ Հովսեփ Խուրշուդյանը:
Նրա խոսքով՝ անհրաժեշտ փաստաթղթերը, այդ թվում և վերջին 10 տարիներին ՀՀ-ում բնակվելու վերաբերյալ տեղեկանքն արդեն պատրաստ են, և դեկտեմբերի 27-ին կամ 28-ին դրանք կներկայացվեն ԿԸՀ:
«Լիազոր ներկայացուցիչը լինելու է Արմեն Մարտիրոսյանը: Անպայման կտեղեկացնենք լրատվամիջոցներին, որպեսզի ցանկացողները կարողանան ներկա գտնվել այդ պահին»,- ասաց Հովսեփ Խուրշուդյանը:
