Փոխվում է Մինսկի խմբի ամերիկացի համանախագահը
ԵԱՀԿ-ի Մինսկի խմբի ամերիկացի համանախագահը փոխվում է: Այս մասին գրում է «Ազատություն» ռադիոկայանը՝ հղում անելով ադրբեջանական «Թրենդ» լրատվական գործակալությանը։
Ամերիկացի համանախագահ Ռոբերտ Բրադկեն ավարտել է Մինսկի խմբի համանախագահի իր առաքելությունը:
Ինչպես «Թրենդ»-ին տեղեկացրել են Ադրբեջանում Միացյալ Նահանգների դեսպանությունից, մինչև նոր մշտական համանախագահի նշանակումը Բրադկեին ժամանակավորապես կփոխարինի Յան Քելին:
Դեսպան Քելին 2010 թվականից ԵԱՀԿ-ում Միացյալ Նահանգների ներկայացուցիչն է: 2007-2009 թվականներին նա ղեկավարել է Պետդեպարտամենտի Ռուսաստանի բաժինը, իր դիվանագիտական գործունեության ընթացքում չորս տարի նաեւ Թուրքիայում ԱՄՆ-ի դեսպանատանն է աշխատել:
