ԱՄՆ դպրոցներում աշխարհի վերջին լուրջ են վերաբերվում
ԱՄՆ Միչիգան նահանգում ավելի քան 30 դպրոցներ նախատեսվածից երկու օր շուտ են գնացել ամանորյա արձակուրդի՝ բռնությունների նոր ալիքի և աշխարհի վերջի մասին խոսակցությունների պատճառով։
Ամերիկյան դպրոցներում արձակուրդները պետք է սկսվեին դեկտեմբերի 24-ից, սակայն որոշ դպրոցներ դասերը դադարեցրել են դեկտեմբերի 21-ից։ Լապիր շրջանի դպրոցների վարչության կայքում հրապարակվել է ծնողներին ուղղված նամակ։ Դրանում նշվում է, որ Կոննեկտիկուտի դպրոցում կատարված զանգվածային սպանությունից հետո լուրեր են շրջում, որ հնարավոր են աշակերտների դեմ ուղղված նոր բռնություններ։ Բացի այդ, ինչպես նշվում է նամակում, երեխաները մշտապես քննարկում են աշխարհի վերջի մասին խոսակցությունները։
The Washington Post թերթի տվյալներով, դասերը դադարեցվել են նաև Միչիգանի այլ շրջաններում և Օկլահոմա նահանգի որոշ դպրոցներում։
