Հովիկ Աբրահամյանի կողմնակալ դրես-կոդը. մամուլ
«ԱԺ նախագահ Հովիկ Աբրահամյանը երեկ Աժ դահլիճից, փաստորեն, դուրս է արել ԱՎԾ ղեկավար Ստեփան Մնացականյանին, որն Աժ էր գնացել 2013- 2015թթ. պետական վիճակագրական աշխատանքների եռամյա ծրագրի նախագիծը ներկայացնելու»,- գրում է «Հայկական Ժամանակ» օրաթերթն ու հավելում.
«Բանն այն է, որ Մնացականյանը Աժ էր ներկայացել առանց փողկապի` շագանակագույն պիջակով և սև «վադալասկայով»: Աժ նիստի ժամանակ Հովիկ Աբրահամյանը մոտեցել է Մնացականյանին և «բրդբրդացել»:
Դրանից հետո Մնացականյանը հեռացել է` մոտ 20 րոպեից վերադառնալով վերնաշապիկ հագած և փողկապ կապած: Լավ կլիներ, սակայն, որ Հովիկ Աբրահամյանը հարձակվեր ոչ թե խեղճուկրակ ԱՎԾ պետի, այլ օլիգարխ և կիսաօլիգարխ պատգամավորների վրա, որոնք երբեմն. Աժ նիստի են գնում «բիսեդկի» հագուկապով»:
