… Ի՞նչ պետք է արվի գաղտնալսման արդյունքում ՀՀ քաղաքացիներին հայտնի դարձած տեղեկության հետ
ԱԺ պատգամավոր, իրավաբան Էդմոն Մարուքյանն իր ֆեյսբուքյան էջում` անդրադառնալով Լևոն Զուրաբյան-Վարդան Օսկանյան այլևս հայտնի երկխոսության գաղտնալսման ձայնագրության հրապարակմանը, գրել է.
«Պատկերացնենք, որ համապատասխան մարմինները, հիմք ընդունելով ԶԼՄ-ներով արված հայտարարությունը, քրեական գործ են հարուցում նշված հոդվածով, հայտնաբերում են ոմն չգիտեմ ում, և դատարանն այդ անձին մեղավոր է ճանաչում՝ ՀՀ քրեական օրենսգրքի 146-րդ հոդվածով արգելված արարք կատարելու մեջ և տուգանում է նրան 100 հազար կամ 300 հազար դրամի չափով, հարց է առաջանում, թե գաղտնալսման արդյունքում ՀՀ քաղաքացիներին հայտնի դարձած տեղեկության հետ ի՞նչ պետք է արվի, կամ արդյո՞ք քրեական գործ հարուցելով և ոմն չգիտեմ ում պատասխանատվության ենթարկելով` պատասխան կտրվի՞ այս տեղեկատվության տարածման արդյունքում ՀՀ քաղաքացիների մոտ առաջացած հարցերին»:
