Կոնգրեսը դեռ հապաղում է. մամուլ
«Նախատեսվում էր, որ Հայ ազգային կոնգրեսը երեկ պետք է հրապարակեր հայտարարություն, որով, ըստ մամուլում հայտնված տեղեկությունների, Կոնգրեսի քաղաքական խորհրդի անունից դրական էր գնահատվելու ԲՀԿ-ի հայտնի պահվածքը:
Երեկվա դրությամբ հայտարարությունը դեռ չէր հրապարակվել: Ըստ որոշ լուրերի, պատճառն այն է, որ ՀԱԿ քաղխորհրդի անդամ Սոս Գիմիշյանը հրապարակավ ասել է, որ նախօրեի նիստում դեմ է քվեարկել հայտարարության նախագծին, իսկ քաղխորհրդում որոշումները կայացվում են կոնսենսուսով: Այսինքն, հայտարարությունը դե յուրե չի ընդունվել»,- գրում է «Հայկական Ժամանակ» օրաթերթը:
