Dell-ն այլևս սմարթֆոններ չի թողարկի
Dell ընկերությունն այլևս սմարթֆոններ չի թողարկելու: Այս մասին, ըստ computerworlduk.com-ի՝ Dell World համաժողովի ժամանակ հայտնել է ընկերության փոխնախագահ Ջեֆ Քլարքը: Հիշեցնենք, որ համաժողովը տեղի է ունեցել դեկտեմբերի 11-13-ը, ԱՄՆ-ի Տեխաս նախանգում:
Սմարթֆոնների փոխարեն Dell ընկերությունը կուղղի իր աշխատանքները պլանշետների և Windows 8 օպերացիոն համակարգով աշխատող սենսորային էկրանով համակարգիչների թողարկման վրա։ Dell-ը, ըստ Ջ. Քլարքի՝ կլինի սմարթֆոնների շուկայում որպես ծրագրային ապահովման մատակարար։
Նշենք, որ IDC-ի տվյալներով Dell ընկերությունը համակարգիչների արտադրության ծավալներով երրորդ տեղն է զբաղեցնում՝ զիջելով Hewlett-Packard և Lenovo ընկերություններին։
