HSBC-ն 700 միլիոն դոլար կծախսի՝ իր հաճախորդներին ուսումնասիրելու նպատակով
Բրիտանական HSBC խումբը որոշել է 700 միլիոն դոլար ծախսել «Ճանաչիր քո հաճախորդին» ծրագրի վրա։ Այդ մասին նշվում է ընկերության մամուլի հաղորդագրությունում։
Ուսումնասիրությունը կտևի 5 տարի։ Համարվում է, որ նման ծրագրերը խոչընդոտում են փողերի լվացմանը։ «Ճանաչիր քո հաճախորդին» ծրագրի շրջանակներում կանցկացվեն հարցումներ, կհետազոտվեն անձնական տվյալները և դրանց հիման վրա կորոշվի՝ տվյալ հաճախորդը նպատակ ունի՞ բանկի հաշիվներն օգտագործելու միջոցով փող լվանալ, թե՞ ոչ։
Նշենք, որ տարբեր գնահատականների համաձայն, նախորդ տարվա ընթացքում Մեքսիկայի և Կոլումբիայի նարկոթրաֆիքից ստացված գումարներից առնվազն 881 միլիոն դոլարը օրինականցվել է հենց HSBC-ի միջոցով։