Ինքնասպանություն է գործել երգչուհի Անահիտ Սիմոնյանի քրոջ նախկին ամուսինը
Սյունիքի մարզի Խնձորեսկ գյուղում երեկ` դեկտեմբերի 9-ին ժամը 00.30-ին 33-ամյա տղամարդը ինքնասպանություն է գործել: Այս տեղեկությունը NEWS.am-ի թղթակցի հետ զրույցում հաստատել են Ոստիկանության լրատվական ծառայությունից:
Նրանց փոխանցմամբ` 33-ամյա Հրայրը ինքնասպանություն է գործել իր մոտ ապօրինի պահվող, ջնջված համարներով ինքնաձիգից` գլխին կրակելու միջոցով:
Ոստիկանության փոխանցմամբ` ինքնաձիգը առգրավված է, կատարվում է նախաքննություն, հանգամանքները պարզվում են:
Կայքի տեղեկություններով` 33-ամյա Հրայրը ամուսնացած է եղել երգիչ Հայկոյի կնոջ` երգչուհի Անահիտ Սիմոնյանի քրոջ հետ: Արդեն 5 տարի է` նրանք ամուսնալուծված են, ունեն 8 տարեկան զավակ: Այս տեղեկությունը NEWS.am-ի թղթակցի հետ զրույցում հաստատել է նաև Անահիտ Սիմոնյանը:
Ամուսնալուծությունից հետո Հրայրը չէր ամուսնացել, ապրում էր մենակ եւ չէր աշխատում:
