Չեմպիոնության համար պայքարը դեռ չի ավարտվել. Յայա Տուրե
«Մանչեսթեր Սիթիի» կիսապաշտպան Յայա Տուրեն ընդգծել է, որ իրենք կարող են պահպանել չեմպիոնական տիտղոսն անգամ «Մանչեսթեր Յունայթեդից» կրած պարտությունից հետո:
«Չեմպիոնության համար պայքարը դեռ ավարտված չէ: Մենք կշարունակենք խնդիրներ ստեղծել «կարմիր սատանաների» համար և հաջորդ անգամ կփորձենք ռևանշի հասնել: Կարծում էինք` կարող ենք հաղթել դերբիում, սակայն մրցակիցը շատ փորձառու է, իսկ Ռունին ֆանտաստիկ ֆուտբոլիստ է», – Տուրեի խոսքերը մեջբերում է ակումբի պաշտոնական կայքը:
Նշենք, որ այժմ Անգլիայի առաջնության մրցաշարային աղյուսակը գլխավորում է «Մանչեսթեր Յունայթեդը», որը 6 միավորով է գերազանցում է «Սիթիին»:
Մարզական լրահոսն ապահովում է SportArmenia.com-ը
