Ձեր տնօրենը կարող է լինել համակարգիչը
Գիտնականները մշակել են առաջին ամբողջությամբ ավտոմատացված համակարգը, որն աշխատանքի բաժանում է կատարում գործընկերների միջև: Այն կոչվում է AutoMan. գրում է New Scientist-ը:
AutoMan-ը ստեղծվել է, որպեսզի ղեկավարի աշխատողներին, ընդունի կամ մերժի նրանց աշխատանքը և վճարի:
«Դուք տնօրեններին փոխարինում եք համակարգիչներով»,- հայտարարել է Մասաչուսեթսի համալսարանի համակարգչային մասնագետ Դանիել Բերոուին, ով իր գործընկերների հետ մշակել է այս պրոյեկտը: Այն ներկայացվել է նախորդ ամիս Տուսոնում (ԱՄՆ) տեղի ունեցած OOPSLA-ի համաժողովի ժամանակ:
«Մարդկանց մնում է միայն աշխատանքի հետաքրքիր, ստեղծագործական մասը, իսկ սև աշխատանքը կկատարի համակարգիչը»,- ասել է Բերոուին:
