Ուժգին պայթյուն՝ Դամասկոսում
Այսօր ուժեղ պայթյուն է տեղի ունեցել Սիրիայի մայրաքաղաքի Ալ-Մարիա թաղամասում: Ինչպես հաղորդում է սիրիական Sana գործակալությունը, ահաբեկիչները Արդարադատութան պալատի մոտ պայթուցիկ սարք են գործի դրել:
Առայժմ պարզ չէ, թե ինչ վնաս է հասցվել կառավարական շենքին: Զոհերի կամ տուժածների մասին նույնպես տեղեկություն չկա: Ականատեսների հաղորդմամբ՝ պայթյունը լսելի է եղել ամբողջ քաղաքում, դեպքի վայրում ծխի սև սյուն է բարձրանում:
