Դոլարը մի փոքր ևս էժանացավ
Հայաստանի ֆինանսական շուկայում ամերիկյան դոլարի փոխարժեքը շարունակում է ընկնել երկրորդ օրն անընդմեջ: Այսօր` հունիսի 26-ին, ամերիկյան դոլարի միջին փոխարժեքը «ՆԱՍԴԱՔՕԷՄԷՔՍ Արմենիա» բորսայում կազմել է 417.25 դրամ, ինչը 0.17%-ով կամ 0.71 կետով զիջում է երեկվա ցուցանիշին: Բորսայում այսօր վաճառվել է 3 մլն դոլար: Կանխիկ արտարժույթի շուկայում արդեն մինչ բորսայական նստաշրջանը ձեւավորվել էր դոլարի առքուվաճառքի 416-418 դրամ միջակայքը, որը մեծամասամբ պահպանվեց նաեւ բորսայի փակումից հետո: ՀՀ կենտրոնական բանկի պաշտոնական փոխարժեքը սահմանվել է 418.02 դրամ:
