Հայ-վրացական ֆինանսական շուկաների առաջին ֆորումը
ՆԱՍԴԱՔ ՕԷՄԷՔՍ Արմենիայի նախաձեռնությամբ, հունիսի 29-ին Դիլիջանում առաջին անգամ կանցկացվի հայ-վրացական ֆինանսական շուկաների ֆորումը: Այն առաջին նմանատիպ միջոցառումն է Հայաստանի եւ Վրաստանի ֆինանսական շուկաների համագործակցության շրջանակներում, որը կարեւոր է նաեւ երկու երկրներ ներդրումային ներուժը բացահայտելու տեսանկյունից:
Ֆորումին նախատեսում է ներգրավել Հայաստանի եւ Վրաստանի շուկայի կարգավորողների, ֆոնդային բորսաների, կենտրոնական դեպոզիտարիաների, բանկերի եւ ներդրումային ընկերությունների պաշտոնյաներին, ինչպես նաեւ միջազգային կազմակերպությունների ներկայացուցիչների:
Ֆորումի ընթացքում քննարկվելու են երկու երկրների կապիտալի շուկաների վերջին զարգացումները, կենսաթոշակային բարեփոխումները եւ դրանց ազդեցությունը արժեթղթերի շուկայի վրա, ինչպես նաեւ Հայաստանում եւ Վրաստանում բիզնեսի զարգացման եւ այս ոլորտում համագործակցության հնարավորությունները:
