Ռոդենի գողացված կիսանդրին հայտնաբերվել է
Ֆրանսիայի ոստիկանությունը երկրի կենտրոնական հատվածի փոքրիկ քաղաքում հայտնաբերել է 13 տարի առաջ գողացված Օգյուստ Ռոդենի բրոնզաձույլ կիսանդրին, հաղորդում է The Daily Telegraph-ը:
Բրոնզաձույլ արձանը, որը Ռոդենի սիրած կնոջ` Կամիլա Քլոդելի աշխատանքն է, հայտնաբերվել է հնավաճառի ավտոմեքենայում, որին իրավապահները մի քանի շաբաթ հետևում էին Լիոնում կատարված գողությունների շարքի կապակցությամբ:
Կիսանդրին գողացվել էր 1999թ. Գերեյի կոմունայի թանգարանից: Ռոդենի բրոնզաձույլ կիսանդրին գնահատվում էր 1 մլն եվրո:
