Կասյանի շուկան կվերաբացվի
Այսօր Երևանի քաղաքապետարանում հերթական խորհրդակցության ժամանակ հանձնարարվել է անհրաժեշտ միջոցներ ձեռնարկել հունիս 30-ին Կասյան փողոցում շաբաթ-կիրակի օրերին գործող գյուղամթերքի շուկայի վերաբացման նպատակով: Առևտրի և սպասարկումների վարչության պետը զեկուցել է, որ շարունակվում են մայրաքաղաքի փողոցներում, ինչպես նաև բազմաբնակարան բնակելի շնքերի մուտքերում և բակերում իրականացվող ապօրինի առևտրի դեպքերը բացառելու նպատակով կատարվող ստուգայցերը: Հայտնաբերված խախտումների մասով կազմվում են վարչական արձանագրություններ:
