Տիկին Ռիման հայրենի գյուղն արդեն երկրորդ անգամ է լքում։ Առաջին անգամ լքել է 90-ականներին, մի քանի օրով է դուրս եկել գյուղից, երբ վտանգը մեծ էր, որ թշնամին կմտնի գյուղ ու ցեղասպանություն կիրականացնի, բայց երբ ամեն ինչ հանդարտվեց, մի քանի օր անց երեխաների հետ վերադարձավ իր տուն։ Այս անգամ օդային հարվածների ու ռումբերի տակ է լքել գյուղը՝ 2020 թվականի հոկտեմբերի 28-ին՝ չկորցնելով հույսը, որ մի օր վերադառնալու է։
