Ոսկրերի քաղցկեղը կարող է սկսվել մարմնի ցանկացած ոսկորից։ Առաջացման պատճառների, վտանգավոր տեսակների, բուժման եղանակների մասին զրուցել ենք Վ. Ա. Ֆանարջյանի անվան Ուռուցքաբանության ազգային կենտրոնի ամբուլատոր ծառայության գծով տնօրենի տեղակալ, օնկոօրթոպեդ Ալեքսանդր Սեինյանի հետ։
Առաջնային ուռուցքները շատ քիչ են։ Ուռուցքային բոլոր հիվանդությունների մեջ առաջնային ոսկրային ուռուցքները կազմում են ընդամենը 2-2,5 տոկոս։ Երեխաների մոտ հիմա ավելի շատ են հանդիպում, քան մեծահասակների։ Ասեմ, որ մեծահասակների մոտ առաջնային ոսկրային ուռուցքներ գրեթե չենք հանդիպում։
