Զախարովան հաստատել է օգոստոսի 24-ին Լավրովի և Չավուշօղլուի բանակցությունները Մոսկվայում
Ռուսաստանի արտաքին գործերի նախարար Սերգեյ Լավրովն օգոստոսի 24-ին բանակցություններ կվարի Թուրքիայի ԱԳ նախարար Մեւլյութ Չավուշօղլուի հետ: Այդ մասին օգոստոսի 23-ին կայացած ճեպազրույցում հայտարարել է ՌԴ ԱԳ նախարարության պաշտոնական ներկայացուցիչ Մարիա Զախարովան:
«Օգոստոսի 24-ին Ռուսաստանի արտաքին գործերի նախարար Սերգեյ Լավրովը բանակցություններ կանցկացնի Թուրքիայի ԱԳ նախարարի հետ, որը Մոսկվա կժամանի կարճատեւ աշխատանքային այցով,- ասել է դիվանագետը:
– Այս տարի երկու երկրների արտաքին քաղաքական գերատեսչությունների ղեկավարների վեցերորդ հանդիպմանը պլանավորվում է հատուկ ուշադրություն դարձնել սիրիական խնդրի կարգավորման վրա: Նաեւ կքննարկվեն ահաբեկչության դեմ պայքարի շրջանակներում համատեղ քայլերի համակարգման հարցերը»:
