Արետա Ֆրանքլինը կտակ չի թողել. TMZ
Երգչուհի Արետա Ֆրանքլինը, որն օգոստոսի 16-ին մահացել է 76 տարեկան հասակում, կտակ չի կազմել: Օգոստոսի 21-ին այս մասին հայտնել է TMZ կայքը՝ վկայակոչելով իր կողմից ձեռք բերված դատական փաստաթղթերը:
Այդ փաստաթղթերի համաձայն՝ երգչուհին մահացել է՝ կտակ չթողնելով: Դա նշանակում է, որ մահվան պահին նման փաստաթուղթ չի կազմվել, ճշտել է պորտալը: Միչիգանի նահանգի օրենքների համաձայն, որտեղ երգչուհին մահացել է, նրա ունցվածքը հավասարապես բաժանվում է չորս զավակների միջեւ:
Արետա Ֆրանքլինը վախճանվել է օգոստոսի 16-ին Դեթրոյտում (Միչիգանի նահանգ): Մահվան պատճառ է դարձել ենթաստամոքսային գեղձի քաղցկեղը:
Նրան հողին կհանձնեն օգոստոսի 31-ին Դեթրոյտի Վուդալուն գերեզմանատանը: Այնտեղ են հանգչում երգչուհու հայրը, երկու քույրերը, եղբայրը եւ եղբորորդին:
Հուղարկավորությանը հրավիրված են միայն հանգուցյալի ընտանիքի անդամները եւ մերձավոր բարեկամները:
Երգչուհին բացառիկ ուժեղ եւ գեղեցիկ ձայն ուներ: 1987 թվականին նրա անունը գեղեցիկ սեռի ներկայացուցիչների թվում առաջինն է հայտնվել ամերիկյան Ռոք ն ռոլի փառքի սրահում: Rolling Stone հանդեսը նրան դասել է մեծագույն վոկալիստների շարքը երաժշտության այդ ուղղության պատմության մեջ, հաղորդել է ՏԱՍՍ-ը:
