Վանում քուրդ գրոհայինների թաքստոց է հայտանբերվել
Վանի նահանգում ուժայինները շարունակում են Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) զինյալների դեմ ռազմական գործողություններ իրականացնել:
Այդ շրջանակներում Վանի Բաշքալեի շրջանում սպանվել է մեկ քուրդ գրոհային: Վանի նահանգային ժամդարմերիայի աշխատակիցների կողմից կանխարգելիչ գործողությունների արդյունքում բացահայտվել է ՔԲԿ-ի մեկ թաքստոց:
Հետախուզական աշխատանքների ժամանակ առգրավվել է 1 AK-47 տեսակի ինքնաձիգ, 2 մարտական գլխիկ, 2 նռնակ, 3 AK-47-ի փամփշտակալ, 50 գրամ C4 պլաստիկ պայթուցիկ, 6 մարտկոցի բլոկ, 400մ մալուխ և այլ պարագաներ:
Փախուստի դիմած մյուս զինյալներին հայտնաբերելու ուղղությամբ որոնողական աշխատանքները շարունակվում են:
