«Փյունիկ»-ը մեկնել է Թել Ավիվ
Երևանի «Փյունիկ»-ը մեկնել է Թել Ավիվ, որտեղ օգոստոսի 16-ին Եվրոպա լիգայի որակավորման երրորդ փուլի պատասխան խաղում ուժերը կչափի տեղի «Մաքքաբի» ակումբի հետ: Այս մասին տեղեկացնում է երևանյան ակումբի ֆեյսբուքյան պաշտոնական էջը:
Առաջին խաղում Երևանի «Փյունիկ»-ը Վազգեն Սարգսյանի անվան Հանրապետական մարզադաշտում գոլազուրկ ոչ ոքի արդյունքով ավարտեց «Մաքքաբի»-ի հետ հանդիպումը և հաջորդ փուլ դուրս գալու իրական շանսեր է պահպանում:
«Մաքքաբի»-«Փյունիկ» հանդիպումը տեղի կունենան օգոստոսի 16-ին, Երևանի ժամանակով ժամը 21:30-ին: Հանդիպումը կհեռարձակվի «Շանթ» հեռուստաընկերության ուղիղ եթերում:
