«Չեմ տեսնում «Յունայթեդին» չեմպիոնի հավակնորդների թվում». Սքոուլզ
«Մանչեսթեր Յունայթեդի» նախկին կիսապաշտպան Փոլ Սքոուլզը գնահատել է թիմի հեռանկարները նոր մրցաշրջանում:
«Արդյո՞ք կհեռանա Մոուրինիոն: Ես գաղափար չունեմ: Բայց նա հաստատ պետք է սկսի մրցաշրջանը թիմի հետ:
Կարծում եմ՝ շատ բան կախված կլինի թիմի խաղից: Եթե թիմը լավ չխաղա, չուրախացնի երկրպագուներին, չպայքարի տիտղոսների համար, ապա Ժոզեն կարող է հեռանալ:
Բայց նա գերազանց փորձ ունի, աշխատել է լավագույն ակումբներում և ապացուցել է իր կարգը դժվար իրավիճակներում: Այժմ նա նույնպես ծանր իրավիճակում է և պետք է ելք գտնի:
Եթե դուք նայեք «Մանչեսթեր Սիթիին» և, հավանաբար, «Լիվերպուլին», այս կտեսնեք, որ Մոուրինիոյի թիմը նրանց մակարդակում չէ:
«Սիթին» իսկապես լավ թիմ է, հիանալի մարզիչ և որոշ մեծ խաղացողներ ունի, ովքեր բոլորն էլ գիտեն իրենց խաղային բնավորությունը, իսկ «Յունայթեդը» կարծես թե չի հասկանում, թե ինչ է կատարվում:
Հուսով եմ, որ ես սխալ եմ, բայց ես չեմ տեսնում «Յունայթեդին» չեմպիոնի հավակնորդների թվում»,- ասել է Սքոուլզը:
Սիրարփի Աղաբաբյան
