Էրդողանին սոցցանցում վիրավորելու համար օգտատերերը քրեական հետապնդման են ենթարկվում
Թուրքիայում հերթական անգամ քրեական հետապնդում է իրականացվում օգտատերերի նկատմամբ՝ սոցցանցերում նախագահ Ռեջեփ Թայիփ Էրդողանի հասցեին վիրավորական գրառումներ անելու մեղադրանքով։
Ստամբուլի գլխավոր հանրապետական դատախազի տեղակալ Մուրաթ Չաղլաքը «Twitter» սոցիալական հարթակում Էրդողանին ուղղված վիրավորական հրապարակում կատարելու մեղադրանքով հետաքննություն է սկսել։ Մեղադրյալը Շիշլիի թաղապետ Հայրի Ինոնյուի անվտանգության աշխատակից Մեհմեթ Ալի Բաշքալեն է։
Ստամբուլի ոստիկանությունը հրահանգ է ստացել վերջինիս վերաբերյալ անհրաժեշտ տեղեկություններ հավաքել, իսկ հայտնաբերման դեպքում՝ ձերբակալել։ Ձերբակալման որոշման հրապարակումից հետո Բաշքալեն ինքնակամ ներկայացել և հանձնվել է իրավապահ մարմիններին։
