Ականատեսը հրապարակել է տեսանյութ, որում երևում է Բոլոնիա քաղաքում տեղի ունեցած պայթյունն ու հրդեհը
Ականատեսը հրապարակել է տեսանյութ, որում երևում է Իտալիայի Բոլոնիա քաղաքի հյուսիսարեւմտյան արվարձանում ուղեանցի վրա տեղի ունեցած պայթյունն ու հրդեհը: Ինչպես հաղորդում է «ՌԻԱ Նովոստի»-ին, Բոլոնիայի օդանավակայանից ոչ հեռու մի շարք պայթյուններ են տեղի ունեցել, որոնց հետեւանքով խոշոր հրդեհ է բռնկել:
Տեղական ԶԼՄ-ները նշում են, որ վառելիք փոխադրող բեռնատարը վթարի է ենթարկվել: Կրակը տարածվել է այն ավտոմեքենաների վրա, որոնք գտնվում էին ուղեանցի երկու կողմում տեղավորված դիլերային կենտրոններում: Դրանք նույնպես սկսել են պայթել:
Պայթյունների հետևանքով մեկ մարդ մահացել է, 55-ը՝ տուժել:
