«Ի՞նչ է պատահել ազատ մամուլին. դրանք չեն լուսաբանում». Թրամփ
ԱՄՆ-ի նախագահ Դոնալդ Թրամփը Փենսիլվանիայի նահանգում իր կողմնակիցների առջեւ հերթական ելույթի ընթացքում քննադատության տարափ է թափել զանգվածային լրատվամիջոցների վրա՝ լրագրողների ռեպորտաժները որակելով նողկալի:
«Ի՞նչ է պատահել ազատ մամուլին: Դրանք չեն լուսաբանում: Դրանք սոսկ պատմություններ են մոգոնում»,- ասել է նա։ ԱՄՆ-ի նախագահը «ստահոդ» եւ «նողկալի» է որակել այն նորությունները, որոնք իր մասին գրում են զանգվածային լրատվամիջոցները: Թրամփը նաեւ լրագրողներին քննադատել է այն բանի համար, որ նրանք «սխալ» են լուսաբանել իր հանդիպումը ԿԺԴՀ-ի, Ռուսաստանի ղեկավարների եւ Մեծ Բրիտանիայի թագուհու հետ:
Նա պաշտպանել է իր մոտեցումը Կիմ Չեն Ունի եւ Վլադիմիր Պուտինի հետ հանդիպումների նկատմամբ՝ հայտարարելով, որ նրանց երկրների հետ ավելի ջերմ հարաբերությունները «լավ բան են, այլ ոչ թե վատ», հաղորդել է ՌԻԱ Նովոստին:
