«Ինտերը» սկսել է բանակցությունները Մոդրիչի հետ
«Ինտերի» ղեկավարությունը սկսել է բանակցությունները «Ռեալի» և Խորվաթիայի հավաքականի կիսապաշտպան Լուկա Մոդրիչի հետ: Ինչպես հաղորդում է իտալացի լրագրող Ջանլուկա դի Մարցիոն իր կայքում, միլանյան ակումբը կոնտակտի մեջ է մտել խորվաթ ֆուտբոլիստի ներկայացուցիչների հետ հնարավոր տրանսֆերի կապակցությամբ:
Ըստ աղբյուրի տեղեկության՝ 32-ամյա կիսապաշտպանը բաց է իտալական ակումբի հետ բանակցությունների համար:
Նշենք, որ «Ինտերի» կազմում հանդես են գալիս Խորվաթիայի հավաքականի 3 ֆուտբոլիստներ՝ Իվան Պերիշիչը, Մարցելո Բրոզովիչը, ինչպես նաև վերջերս նրանց միացած Շիմի Վրսալկոն:
Մոդրիչը ճանաչվել է ԱԱ-2018-ի լավագույն ֆուտբոլիստ, որտեղ Խորվաթիայի հավաքականը դուրս եկավ եզրափակիչ, բայց պարտվեց Ֆրանսիային (2:4):
Պատրաստեց Անի Գաբուզյանը
