Քրդական կազմավորումները սիրիական Մանբիջը կլքեն մինչև ամառվա վերջը. Թուրքիայի ԱԳՆ
«Ժողովրդական ինքնապաշտպանության ուժերը» (ԺԻՈւ) ներկայացնող քրդական կազմավորումները Սիրիայի Մանբիջ քաղաքը կլքեն մինչեւ ամառվա վերջը: Այդ մասին Թուրքիայի արտաքին գործերի նախարար Մեւլյութ Չավուշօղլուն հայտարարել է A Haber հեռուստաալիքի եթերում:
«ԺԻՈւ-ն Մանբիջից կհեռանա մինչեւ ամառվա վերջը: Անցումային շրջանում տարածաշրջանը կկառավարեն թուրք-ամերիկյան ստորաբաժանումները: Այնուհետեւ քաղաքի նկատմամբ հսկողությունը կանցնի տեղի բնակչության ձեռքը»,-ասել է նա:
Այսօր ավելի վաղ Չավուշօղլուն նաեւ հայտարարել է, որ Մանբիջի վերաբերյալ ԱՄՆ-ի հետ համաձայնության ձեռքբերման դեպքում այդ մոդելը կարող է կիրառվել Սիրիայի հյուսիսի այլ վայրերում: Նախարարի խոսքով՝ Մանբիջից ԺԻՈւ-ի դուրս գալու ամսաթիվը կորոշվի հունիսի 4-ին Վաշինգտոն կատարելիք իր այցի ընթացքում, հաղորդել է ՏԱՍՍ-ը:
