Պատահար Երևանում. կա տուժած
Մայիսի 21-ին՝ ժամը 22:33-ին, ՀՀ ԱԻՆ ՓԾ հրշեջ-փրկարարական ջոկատի մարտական հաշվարկը դեպքի վայր մեկնելիս նկատել է, որ Երևան քաղաքի Դավիթ Անհաղթի և Կարապետ Ուլնեցու փողոցների խաչմերուկում տեղի է ունեցել ՃՏՊ, կա տուժած, ավտոմեքենայից ծուխ է նկատվում:
Պարզվել է, որ բախվել են «Nissan Teana» մակնիշի (վարորդը՝ Ս. Վ. ծնված 1983 թ.) և «Volkswagen Passat» մակնիշի (վարորդը՝ Խ. Ղ. ծնված 1983 թ.) ավտոմեքենաները: Ծուխ չի եղել, շարժիչի հատվածից դուրս եկող գոլորշին դիտվել է որպես ծուխ: Ս. Վ.-ին շտապօգնության աշխատակիցները տեղում ցուցաբերել են համապատասխան օգնություն. հոսպիտալացման կարիք չի եղել:
Փրկարարները հոսանքազրկել են ավտոմեքենաները և փակել գազի բալոնների փականները:
