Մերկելը Սոչիում Պուտինի հետ կքննարկի Իրանը, Սիրիան և Ուկրաինան
Գերմանիայի կանցլեր Անգելա Մերկելը մայիսի 18-ին Սոչի կատարելիք այցի ընթացքում Ռուսաստանի նախագահ Վլադիմիր Պուտինի հետ, ի թիվս այլ հարցերի, կքննարկի նաեւ մի շարք հրատապ միջազգային խնդիրներ:
«Անշուշտ, ես (Ռուսաստանի նախագահի հետ) կխոսեմ Իրանի հետ համաձայնագրի մասին, Սիրիայի մասին եւ Ուկրաինայի հարցի մասին»,- նշել է Գերմանիայի նախարարների կաբինետի ղեկավարը Սոֆիայում կայացած ճեպազրույցում:
