«Զինման և պատերազմական դրությունների էսկալացիա կա ամբողջ աշխարհում». Դոմինիկ դը Բյուման
Շվեյցարիայի Համադաշնության Ազգային խորհրդի նախագահ Դոմինիկ դը Բյումանը Ղարաբաղյան հակամարտության կարգավորումը պատկերացնում է միայն բանակցային ճանապարհով: Այսօր ՀՀ ԱԺ-ում լրագրողների հետ զրույցում նա անթույլատրելի համարեց Ադրբեջանի կողմից սպառազինության կուտակումը:
«Հայաստանը ԵԱՀԿ գործընթացի անդամ է, և հրադադարի պայմանների յուրաքանչյուր զինված խախտում, յուրաքանչյուր նման դեպք պետք է գիտական ձևով արձանագրվի, փաստագրվի, ներկայացվի, որպեսզի միջազգային իրավական ատյանները կարողանան դրան անդրադառնալ և անհրաժեշտության դեպքում հնարավորինս հակազդել նման գործողություններին: Նման գործընթաց պետք է լինի ոչ միայն Հայաստանի դեպքում: Մենք տեսնում ենք, որ զինման և պատերազմական դրությունների էսկալացիա կա ամբողջ աշխարհում, և նման մեխանիզմները պետք է գործեն, որ կասեցնեն վերադարձը դեպի պատերազմ այս կամ այն վայրում»,- ասաց Դոմինիկ դը Բյումանը:
