ՊՍԺ-ի ղեկավարությունը խնդրել է Կոուտինիոյի գործակալին՝ բանակցություններ չվարել «Բարսելոնայի» հետ

Ամռանը Կոուտինիոն կարող էր տեղափոխվել «Բարսելոնա», բայց «Լիվերպուլը» մերժեց բոլոր առաջարկները: Գրանդները չեն հանգստանում: The Best-ի մրցանակաբաշխության ժամանակ ՊՍԺ-ի ներկայացուցիչ Անտերո Էնրիկեն հանդիպել է Ֆիլիպեի գործակալի հետ և խնդրել է նրան բանակցություններ չվարել «կապտանռնագույնների» հետ:

Sport.es-ը հաղորդում է, որ մրցանակաբաշխությունից հետո տղամարդիկ նկատվել են լոնդոնյան սրճարաններից մեկում: Ավելի վաղ «Բարսելոնան» հայտարարել էր Կոուտինիոյին գնելու ցանկության մասին, սակայն ֆուտբոլիստով հետաքրքրված են նաև Նեյմարի բոսերը:

Կոուտինիոյի պայմանագիրը «Լիվերպուլի» հետ նախատեսված է մինչև 2022 թվականը: Transfermarkt-ը 25-ամյա ֆուտբոլիստին գնահատում է 65 մլն եվրո:

Պատրաստեց Անի Գաբուզյանը