ՀՀ-ԵՄ համաձայնագրի ստորագրումը կհետաձգվի մինչև տարեվերջ. խնդիրը Գերմանիայի մեջ է. «Հրապարակ»
«Հրապարակ» թերթը գրում է. «ԵՄ հարեւանության ծրագրի վերջնական ստորագրումը հնարավոր է ձգվի մինչեւ տարեվերջ: Բանն այն է, որ ԵՄ 28 երկրները պետք է համաձայնագրի տակ դնեն իրենց ստորագրությունը՝ կա՛մ ստորագրումից առաջ, կա՛մ հետո: «Հետո»-ի հարցն ավելի հեշտ է՝ պառլամենտները պետք է վավերացնեն, իսկ «մինչ» ստորագրվելու ձեւաչափերը խիստ տարբեր են` նախագահ, վարչապետ, պառլամենտ:
Այս պահին «խնդիրներ» կան Գերմանիայի հետ, որտեղ դեռ կառավարություն չի ձեւավորվել։
«Եթե մինչեւ տարեվերջ չձեւավորվի, հնարավոր է` համաձայնագրի ստորագրումը հետաձգվի անգամ մինչեւ ապրիլ-մայիս»,- ասաց ԱԳՆ մեր աղբյուրը: Ի դեպ, հայաստանյան արտաքաղաքական էմիսարներն այս օրերին ակտիվ այցեր, հանդիպումներ են ունենում այդ երկրների ներկայացուցիչների հետ, որ հնարավորինս «հեշտ» հաղթահարվի այս փուլը։ Այս օրերին բավականին լուրջ դեսանտ կա Լեհաստանում՝ ԱԺ նախագահի գլխավորությամբ»:
Ամբողջությամբ կարող եք կարդալ «Հրապարակ» թերթի այսօրվա համարում:
