ԱՄՆ-ի Ներկայացուցիչների պալատը հավանություն տվեց փոթորիկներից տուժած շրջաններին 36,5 մլրդ դոլար հատկացնելուն
ԱՄՆ-ի Կոնգրեսի Ներկայացուցիչների պալատը հոկտեմբերի 12-ին կայացած նիստում օրինագիծ է ընդունել 36,5 մլրդ դոլար հատկացնել երկրի այն շրջաններին օգնություն ցուցաբերելու համար, որոնք տուժել են վերջերս մոլեգնած փոթորիկներից ու անտառային հրդեհներից։
Այդ գումարից 18,7 մլրդ դոլարը նախատեսված է Արտակարգ իրավիճակների համերկրային վարչության համար , որը, մասնավորապես, զբաղվում է Տեխասը, Ֆլորիդան եւ Պուերտո Ռիկոն պատուհասած փոթորիկների հետեւանքների վերացմամբ: Այժմ այդ նախաձեռնությունը կներկայացվի Սենատի քննարկմանը: Եթե վերին պալատը որեւէ փոփոխություն չկատարի տեքստում եւ պաշտպանի այն, ապա այն կուղարկվի նախագահի ստորագրմանը, հաղորդել է ՏԱՍՍ-ը:
