Մահացել է ամերիկացի երաժիշտ Թոմ Փետին
Կյանքի 67-րդ տարում մահացելէ ամերիկացի ռոք-երաժիշտ Թոմ Փետին: Այդ մասին հայտնել է BBC News-ը։
Փետիին անգիտակից վիճակում գտել են Մալիբուի իր տանը: Բժիշկներն արձանագրել են սրտի կանգ: Նրան տեղափոխել են հիվանդանոց եւ փորձել են վերակենդանացնել: Մահը գրանցվել է հոկտեմբերի 1-ին ժամը 20:40-ին (Երւանի ժամանակով ժամը 7:40-ին): Երաժշտի մենեջերի խոսքով՝ նա մահացել է ընտանիքի, գործընկերների ու բարեկամների շրջապատում:
Թոմ Փետին Tom Petty and The Heartbreakers խմբի ֆրոնտմենն էր: Նա հռչակվել է American Girl, Breakdown, Free Fallin՚, Learning to Fly եւ Refugee երգերի շնորհիվ: Նա նաեւ շրջագայությունների ընթացքում նվագել է Բոբ Դիլանի, Ռոյ Օրբիսոնի, Ջեֆ Լիննի եւ Ջորջ Հարիսոնի հետ միասին: 2002 թվականին նրան ընգդրկել են ռոք-ն-ռոլլի փառքի սրահում, հաղորդել է «Ինտերֆաքս»-ը:
