Լոս Անջելեսում ՀՀ գլխավոր հյուպատոսությունը ճշտում է Լաս Վեգասի դեպքերից տուժածների թվում հայերի առկայության մասին տեղեկությունները
Լոս Անջելեսում ՀՀ գլխավոր հյուպատոսությունը ճշտում է Լաս Վեգասում տեղի ունեցած բռնության դեպքերի հետևանքով տուժածների թվում հայերի և ՀՀ քաղաքացիների առկայության մասին տեղեկությունները: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապերի վարչությունից:
Լաս Վեգասի հյուրանոցներից ﬔկում հանցագործը կրակ է բացել 32-րդ հարկում գտնվող համարից: Վկայակոչելով Լաս Վեգասի հերթապահ ծառայություններից ստացված վերջին տվյալները՝ քաղաքի շերիֆ Ջոզեֆ Լոմբարդոն հայտնել է, որ հրաձգության հետեւանքով զոհվել է ավելի քան 50 մարդ, տուժել են ավելի քան 400-ը:
Դեպքերի կապակցությամբ ԱՄՆ նախագահ Դոնալդ Թրամփին ցավակցական հեռագիր է հղել ՀՀ Նախագահ Սերժ Սարգսյանը:
