Կաքավաձոր թաղամասին հարակից սարում հրդեհ է բռնկվել. հրդեհաշիջման աշխատանքներում ներգրավված է 74 հրշեջ-փրկարար
Սեպտեմբերի 21-ին, ժամը 16:43-ին ահազանգ է ստացվել, որ հրդեհ է բռնկվել Արա լեռան լանջին:
Դեպքի վայրում հրդեհաշիջման աշխատանքներին մասնակցում են 6 մարտական հաշվարկ, 3 օպերատիվ խումբ և Հատուկ նշանակության փրկարարական աշխատանքներ իրականացնող կենտրոնի փրկարարական ջոկատը: Այրվում է բուսածածկ տարածք:
Սեպտեմբերի 22-ին, ժամը 00:39-ի դրությամբ հրդեհաշիջման աշխատանքներին մասնակցում է 117 փրկարար ծառայող, անտառտնտեսության 10 աշխատակից և հարակից գյուղի 8 բնակիչ:
Ժամը 03:30-ի դրությամբ հրդեհաշիջման աշխատանքները շարունակվում են: Դեպքի վայրում են գտնվում ՀՀ ԱԻ նախարար Դ. Տոնոյանը, նախարարի տեղակալ Ա. Նազարյանը, Արագածոտնի մարզպետը, ՓԾ տնօրենի տեղակալ, փ/ծ գնդապետ Ա. Խաչիկյանը, Արագածոտնի ՄՓՎ պետ, փ/ծ գնդապետ Ա. Ամիրջանյանը, Կոտայքի ՄՓՎ պետի ժամանակավոր պաշտոնակատար, փ/ծ փոխգնդապետ Ա. Գյուրջինյանը և Բուժականի, Երնջատափի, Սարալանջի գյուղապետերը:
Հրդեհը մեկուսացվել է ժամը 08:35-ին:
Ժամը 10:56-ի դրությամբ հատուկ նշանակության փրկարարական աշխատանքների իրականացման կենտրոնից դեպքի վայր է մեկնել 10 փրկարար:
Կտրվի լրացուցիչ տեղեկություն:
